Farfar Fé Nét édision

https://feneted.wixsite.com/fenetedision Fé Nét Fonnkèr pou lo nét Niméro 001 Son : all beats - free riddim - djtrunkys "Eletric old school" Lo tan lé klèr La kaz granmèr M’a la kas piéflèr I débord poflèr La fé d’ti plan, ti kèr La fé d’boutir, la fé bout flèr Moin la arplant dan la tèr Inn dé kalité M’a mét koté Pou done atoué dé Sat i apèl Imortèl Lé mortèl Lé mortèl Méf pou sof soléy, done dolo kan i sèk Sat lé dann la kour La pous ék lamour é minm san lamour kan lo tan lé lour lo sièl kom in four fo la plui fé in tour Pou aroz in kou Ti touf foufou M’la fé avék gou Pou done aou Sa ti flèr tout sézon Mi koné pa tout lo non Sat ma la ramasé Dann la kour mémé Sa ti flèr san rézon Di pa oui di pa non

https://feneted.wixsite.com/fenetedision