Pou in trin
- Fé Nét
- 17 mars 2024
- 1 min de lecture
Pou in trin avèk toué
Moin mi fré ninportkoué
Pou in trin avèk toué
Na poin rien mi fré pa
Rienk pou kas lanbordir
Pou in trin avèl toué
Pou in bat karé, inn d’sé jour
Dann out bra
Pou alé vavangé, lèr bardzour
Dann out dra
Mi gingnré larg tout
Kinm i fé démodé
Pou in trin ansanm ou
Mi gingnré vann mon lam
Pou in sèl piouk dou dann kou
Pou in trin ansanm ou
Pou in bat karé, inn d’sé jour
Braté braté
Pou in vavangaz, lèr bardzour
Si zoréyé
Mi fré fonnkèr
Pou done aou gaté
Pou in trin ansanm toué
Mi pérdré ziska la tèt
Pou ariv dann bor out li
Pou in trin ansanm ou
Pou in bat karé, inn d’sé jour
Dann out bra
Pou in vavangaz, lèr bardzour
Dann out dra
Commentaires