Charles Baudelaire, Spleen

Maloya

Kan lo sièl ramasé, lour, i pèz koman kouvérk

Dési la moral pou zémi dann la kol gran lannui

Lérk lo ron lorizon li la déf lo tour

Li koul anou in zour pli trist (ke) bann la nuit

Kan lo monn i kas an la zol mouyé,

Ousa Léspoir, koman sov-souri,

I sava pou bat dann mir son zèl kami

Pou kongn son koko d’tét dann plafon kariaté ;

Kan la pli pou alonz son gran lavalas

Koman la zol i fé koman baro

Lèr in pép parl-pa zarnié lo diab

I vien tis son toil dann fon nout sérvèl

Na Klosh dinkou i sot an listérik

I lans dann sièl in krié lasasin,

Paréy gnang kontnasion (mové zam san patri)

La pou souplingn an tét dir.

- Epila bann gran kariol lo mor, san tanbou san la mizik,

I défil ti dousman dan mon lam ; Léspoir,

Kapoté, i poulèr, Langoisman, krièl, kolonial,

Si mon koko d’tét bésé i pik son drapo noir.