Dési ou

Zazie, Sur toi

Mi ékri si sak mi anpar

Si sat i tié dousman, si sat i blès

Mi ékri si la pèr

Mon mank lamour

Mi ékri sanm lo kèr

Mé lé touzour

Si sak ma pa nyabou di

Nyabou viv, nyabou tienbo

Mi ékri an vér

Kont tout la bann

Sé toultan lanfèr

I pous amoin

Zét lank dési mon papié

Lotèr tout sak la lès amoin

Ekrir lé toultan bat arièr

Lèr ousa tout la fout dannfon

I ékri pa

Si sat ou i èm

Si sat i poz pa

Problèm

Mi ékri pa

Si ou

Rasir aou

Mi ékri si sat i blés amoin

La kantité la fors i rés amoin

Kantité la vi moin la manké

Doulèr an proz, an vèr brizé

Mi ékri kom mimit i kri sou la line

Dann la nuit, mi tranp léstilo

Mi ékri boubou

Mi ékri si sat lé pa la

Mi ékri la plui

Pa lo bo tan

Mi ékri si sat i di pa

Dési lo mir, dési lo toi

Ekrir lé toultan artourn

Ziska sat la fé kour anou

I ékri pa poin rien mank aou

Ou lé bien, tout i roul ron

Ala akoz

Mi ékrir pa

Si ou

Rasir aou.