Fonnkèr Fonnsièl
- Fé Nét
- 23 avr. 2020
- 1 min de lecture
Christophe, Les mots bleus
6 zèr anlér la klosh légliz
Dan la kour flèr i fonnkériz
Mannzèl i sa sort la méri
Kom sak soir mi atann ali
El i souri
Sofkoman fodré mi giny koz ansanm li
Ma di ali fonnkèr fonnsièl
Fonnkér i di rienk ék lo zié
Kozé pou moin (i serv pa rien)
Mi bat la lang mi bat arièr
Akoz in kozman initil
Lé kap kaskol linstan frazil
In bat-ansanm
In bat-ansanm
Ma di ali fonnkèr fonnsièl
Fonnkèr i mét domièl dann kèr
M'apél ali san kri ali
Somanké la pi la mod
La briz livèr glis an avril
Mi ém lo silans i bouz pa
In bat-ansanm
In bat-ansanm
Néna pi lèr, néna pi la klosh
Dan la kour piédboi pou dormi
Mi rant avék kar-zone la nuit
Dan la gar mi oi li souri amoin
I fodra bien él i konpran
Sofkoman
Ma di ali fonnkèr fonnsièl
Fonnkèr i di avék lo zié
Tout rézon domoun i done
Lé paréy béko domoun i vol
I rès in ralman d'kèr anlèr
Riskap i fout linstan atèr
Nout batankor
Nout batankor
Ma di ali fonnkèr fonnsièl
Sat i mét do mièl dann kèr
In listoir lamour dann silans
La pa bézoin fé son rantré
Bann gran zoli kozman dann van
Wa kas lélan wa kas léstil
Nout batankor
Nout batankor
Ma di ali fonnkèr fonnsièl
Fonnkèr i di rienk ék lo zié
Ma di ali fonnkèr fonnsièl
Tousat i mét domoun anlèr
Tout mo lo sièl
Tout mo lo sièl
Commentaires