Grankaz Tsilaosa
- Fé Nét
- 23 avr. 2020
- 2 min de lecture
The Eagles, Hotel California
Si la rout dézèr la nuit
Lo van dou dann sové
Bon lodèr in ti pay
Té pou lèv dan lé zèr
Plis dovan pardvan somin
Moin la vi dans in limièr
Mon tèt la ni lour,
Mon zié la ni fèb
Falé té kal pou la nuit
Él té dobout dan padport
Ma antann la klosh légliz
Moin la di dan mon tét
« Riskab sa Paradi
riskab sa lanfér »
Él la alim in bouzi
La rouv somin pou moin
Bonpé domounté koz dannfon kouloir
Ma pans antann azot dir :
Mont aou Grankaz
Tsilaosa
Sa in bébét landroi
Sa in bébét landroi
Lé si télman zoli
La plas i mank pa Grankaz
Tsilaosa
Tou lé moi lané
Tou lé moi lané
Wa trouv ali là.
Son léspri pri sanm Kalidas
Son loto Mersédés Benz
Él na in ta zénzan,
kranèr kranèr
Él i di son dalon
Kom zot i dans dan la kour
Transpir domièl
Néna i dans pou raplé
Na i dans pou oublié
Alors ma la kri lo mét :
«Shéf, amène do vin pou moin»
La di :
«Na pi lamandoz la dopi
mil néf san soisant nèf.»
Na ankor tout bann voi
i kri par dérièr
I fé lév aou dann miliè la nuit
Zis pou antann azot di :
Mont aou Grankaz Tsilaosa
Sa in bébét landroi
Sa in bébét landroi
Lé si télman zoli
Zot i amène la vi bèl
Grankaz Tsilaosa
Kél gayar sirpriz
Kél gayar sirpriz
Trouv in bon lékskiz.
La glas dési plafon
Shanpagn roz si glason
Él la di :
« Térla not tout lé rienk
prizonié
nout prop manièr fé.»
É dann lo gran piès lo mèt
La mét ansanm pou l’féstin
La bék koud’kouto an fèr
Mé té gingn pa tié bébét
Dérniè trin mi rapèl, mi té
Kour pou rod la port
Té falé trouv moyen artourn
Ousa moin lété avan
« Afol pa,
la di vidèr,
Nou lé fé pou akéy domoun
Ou gingn péy sak ou doi
kan ou vé
Mé zamé wa sorti.
Commentaires