Défin
- Fé Nét
- 23 avr. 2020
- 2 min de lecture
Kisa i koné pa ze lord of «The Lords »
Ki koné Ki koné pa le Pop la « Dékadans »
Ki koné « Kamaléon » all star zétoil filant
Ki koné Dann toupi la vi : « Karousèl » léfé
Vokabilèr maloya nouvo séon
You give us so « Satisfaction » !
I di Alin Peters na dé vizaz
Premié figir : karéss kayanm dann sové,
bando san koulér si son non di pèr,
takamba dann bra. …
Fonnvér, fonnrak, fonnkèr
Dézièm figir :
Lér la lang i peuz,
Le doi i gonf,
La tét i pik o fon
La foi la pi bon.
Dernié viraz : Déviraz : Dérivaz : Dévizaz
Dann mal d’kér zarlor lo son,
La kord langouti i langét an kozman sintiron
Sa sanson san sansir sa
Koutfouèt dann rin la sosiété sa.
Pérd somin ? Perd somin dann mizik la !
Kozman konpran pa ! Konpran pa kozman ?
Vokabilèr maloya
Nouvo séon, rédyon zénzan koméla
Trimo lot bor kanal
Na domoun mét aou bondié amont anou somin la mizik
Na domoun mét aou bondié amont anou somin la mizik Ni gét lo sièl, ni fouy lo sièl, ni tri zétoil inn par inn
Okilé ou la dan ?
An landormi boudah-shiva dann soléy ?
Kamaléon na poin koulèr, Kamaléon na tout koulèr. Okilé ou ? Dann sièl ?
Dann sièl ral in lér gitar, tir in taf bondié,
Fane lansan foutan toué lavé rod lodèr
San trouv lo gou dési la tèr
Sinon dann doulèr sikré la vi
dann la mok in mizik té fini pérs lo son. Sint-Alin done amoin do pin, ék do bér, ék piman martin
Sin-Peter ranpli mon vér
Likèr pou lo kèr …
Fourmi la gingn la zèl
Mi gét lo sièl, mi fouy lo sièl, mi tri zétoil inn par inn
Okilé ou ? Dann volkan ?
Dann lanfér lér ti dans, si ti dans, pik la fés Lisifèr
Langaz larak an lo bénit koul Satan dann siro la kuit Done ali boi d’lé dann son ba d’rin,
Sof, sof ali paréy Madam Débasin
Fo giny lo kou pou konét le gou koman lé dou
... Na poin movézam, na poin movézamal, na poin movézam, na poin movézam, na poin
Ki koné komansa sa la komansé sa ?
Komsa-minm somanké la komansé
La komans komsa somanké
Riskab koma Lu que lété pas un joli parolèr
kél kilé la klé-là que lu la trouvé
Po déklik lo kèr Luc Joly ?
Somanké komsa la komansé
Komsa-minm somanké la komansé
La komans komsa somanké
Riskab koma Sé pa ki koné lot koté kisa la kaskol sérvo Costa ?
Kosa la kolé ? Kansa la kosté ? Komansa lakostaz la s'pasé ?
La komans komsaminm somanké
Somanké komsa la komansé
Komsa-minm somanké la komansé
La komans komsa somanké
Riskab koma Ki koné ?
Si la kaz gramoun té di : - « Alin parabol pa tro for Sami i dor »
Sinonsa : - « Sami rir pa tro for ta fé plèr Péters »
Si li té dor koté ton bér si ou té zoué ansanm son vèr
Somanké komsa la komansé
Komsa-minm somanké la komansé
La komans komsa somanké
Riskab koma
Commentaires