Piéflèr
- Fé Nét
- 12 avr. 2020
- 1 min de lecture
Lo tan lé klèr
La kaz granmèr
M’a la kas piéflèr
Té ki débord poflèr
La fé d’ti plan, ti kèr
La fé d’boutir, la fé bout flèr
Moin la arplant dan la tèr
Inn dé inndé
Shak kalité
M’a mét koté
Pou done atoué dé
Sat i apèl
Imortèl
Lé mortèl
Lé mortèl
Mét pou sof soléy, done dolo kan i sèk
Sat lé dann la kour
La pous ék lamour
é minm san lamour
kan lo tan lé lour
lo sièl kom in four
fo la plui fé in tour
Pou aroz in kou
Ti touf foufou
M’la fé avék gou
Pou done aou
Sa ti flèr tout sézon
Mi koné pa tout lo non
Sat ma la ramasé
Dann la kour mémé
Sa ti flèr san rézon
Di pa oui di pa non
Commentaires