Salad
- Fé Nét
- 23 avr. 2020
- 1 min de lecture
La po lé rouz i krak sou mon zong
La po lé dir i kas sou la dan
letchis sa lé dou, sa lé tann
Mazine mon lèv i fé le tour
Mon dé bél lèv i kol si la shèr
Kan mi fèrme mon boush sa i fé koul dolo sikré
Inn ti goute dann koin
Mazine amoin in soir désanm
Mon lèv an flanboyan
Asiz anlèr piédboi
Done amoin baton kanasik pou dégorz miel vèr
Done amoin mang ma siss noyau
Done amoin gouyav péi
Plish banane pou moin
Ma trap ali dan mon min
Ma manz tout
Plish dé, troi... Inn la pa asé pou mét dan mon salad.
Fé pét an kapok mon tété grenade
Fè lèv zèrgo mon poumon
Mon flèr an karanbol i vé santi la gouss tamarin rouv son pétal
Tourne mon longani sou ton lang, krok lo grin
Out lang an kuiyèr dann grenadine frui la passion
Tash manir fégonn la vani
La rozé si féy sonz
Do lé boi vèr i bril anndan, i kol anndan, i pouak amoin.
Commentaires