Wa fane partou w'alé
- Fé Nét
- 23 avr. 2020
- 1 min de lecture
Kosa ou la pèr
i vien souk out kèr
la nuit
Pou larg lo kor granmatin
Kan bardzour la pou levé
Di pa zamé
lo tan la fine vié
Na pi rien pou arivé
Tout sak ou aspèr
Lès dan out prièr.
Zamé di pa zamé
Tout kapab fini doné,
Tout bonèr fini pasé,
Tout gayar fine doné,
Noré pi rien pou atann,
Ni pou prann,
Ni pou rann.
Di pa mérsi, tash manièr viv ;
Wa fane flèr partou walé.
Ni shant dovan la mor
Kom dovan la mèr.
Dann fé, ni done dofé.
Ni dans dovan la vi
Kom dovan la lav.
Lav di koudav
dav dav.
Si lo tan la pou gaté
Di pa zamé lo tan fine vié.
Partou la fané,va pousé.
Wa pousé.
Partou la parti, la fane flèr. La fané.
Ou va fane flèr partou ousa ou va alé.
Di pa mersi, tash manièr viv.
Wa fane flér partou walé.
Larg fénoir
trap lo rév
an trans papay siouplé
Oubli pa sak lontan
Gramoun la aprann atoué.
Kosa ou la pèr
i vien souk out kèr
la nuit
Pou larg lo kor granmatin
kan bardzour la pou levé.
Commentaires